今年萬聖節參與感比往年強 其中一個非常大嘅原因應該係因為哥哥開始長大 對呢個本土節日嘅理解越離越多 期望值同積極性都增強 所以作為一位合格嘅監護人 我唯有入鄉隨俗 順勢而為😏
今年三藩嘅夏天感覺特別長 因為往年萬聖節係我印象裡面應該係發生係深秋 夜晚出去摞糖🍬應該係涼風陣陣 但係今年天氣超級好 不但無霧 仲無妖風😂 唔知三藩市夜晚d風真係唔簡單 涼到入骨😫
因為哥哥早放學 所以一早叫屋企人準備好晚餐比佢 我放工翻離就可以直接幫細佬沖涼 然後出發摞糖 不得不承認 小朋友就係小朋友 平時45分鐘先食飽嘅晚餐今日20分鐘就搞掂 快靚正 當然 因為我呢只老虎乸唔係屋企逼佢食菜 所以可以挑食就自然乜都快
因為哥哥平時翻學必經之路好多屋企都有裝飾 所以我地決定去果個住宅區摞糖 果然不出哥哥所望 離遠已經見到黑漆漆的一片 小朋友大朋友都非常活躍 哥哥話今年想做donkey 所以我專登買咗比佢 但係因為無同佢解釋好多人都會直接講EO而唔講donkey 於是今年出現咗好多次呢個尷尬問題
🧑🏼🦳👨🏻🦳🧔🏻♂️👱🏻♂️👩🏽🦱👩🦰 Are you EO?
👦🏻 No, I'm a donkey
老母親表示😂因為準備功夫做得不足 沒有好好解釋呢個詞 直接社死了😂😂😂但係因為哥哥嘅專注力已經傾注係摞糖之上 所以我再點同佢解釋 佢都一於費事理我 行咗差不多個半鐘 都仲意猶未盡 最後要出絕招 翻去數糖跟住一齊慶(shi)祝(tang) 哥哥先勉為其難的表示 "好啦好啦 費事細佬太攰啦" 結束一年一度嘅摞糖慶典
最後 ㊗️大家節日快樂! 食多兩粒糖🍬
君君提示：你也可以发布优质内容，点此查看详情 >>
本文著作权归作者本人和北美省钱快报共同所有，未经许可不得转载。长文章仅代表作者看法，如有更多内容分享或是对文中观点有不同见解，省钱快报欢迎您的投稿。
0
44 0 0
